2019-imiit 2020-mut innuttaasut 56.081-imiit 56.421-nut imaluunniit 340-nik amerleriarput. Ukioq 2020 immikkuullarissuuvoq, nunarsuaq tamakkerlugu ukiup annerpaartaani Covid-19-imik peqquteqartumik matooraasoqarmat. Matooraaneq pissusissamisoortumik nuuttarnerit ikinnerunerannik kinguneqarpoq, inunngortulli aammalu toqusut ineriartornerat annerusumik sunnerneqanngillat.
Ukiuni kingullerni 20-ni ernisarnerit ikiliartorusaarsimapput. Taamaattumik ukiumut innittaasut amerleriarnerat ukiumut nunasisarnerit allanngornerannik, piffissami pineqartumi ikittuinnaasimasunik, peqquteqarpoq. Ukiuni kingullerni nunasisarnerit appariartuaarnerat, siullermik pingaartumillu Kalaallit Nunaata avataani inunngorsimasut amerlanerusut nunasisarnerannik, annerusumik Asiamiit, peqquteqarpoq.
Nuna tamakkerlugu innuttaasut ineriartornerat, nunat sumiiffiini innuttaasut akornanni atukkat allanngorarneri tunngavingalugit nassuiarneqarsinnaavoq; ernisarnerni, toqusoqartarnerani, nunasisarnerni allamullu nunasiartortarnerni. Tabel 1 takuuk.
Innuttaasut akornanni atukkanut uuttuutinut ilassutitut naqqiissutit aamma atorneqarput. Tassani innuttaasut annertussusaanni ukiumiit ukiup tullianut inunngortut-toqusut+nunasisut-allamut nunasiartortut nikingassutaannik kisinneqartarlutik.
Naqqiissutit ukiumi kisitsiviusumi tunngavigineqartuni tamakkiisumik naatsorsorneqarsinnaanngitsunut kisitsisitigut paasissutissat naammaginartumik pitsaassuseqarnissaannik, eqqortuunissaannillu, takutitsipput. Nikingassutsit annertuut pitsaanerusumik suliaqartoqarsinnaaneranik isumaqarput.
2016 | 2017 | 2018 | 2019 | 2020 | |
---|---|---|---|---|---|
Killiffik primo | 55.847 | 55.860 | 55.877 | 55.992 | 56.081 |
Erninerit | 830 | 853 | 819 | 849 | 834 |
Kalaallit Nunaannut nuuttut | 2.451 | 2.287 | 2.316 | 2.310 | 1.911 |
Kalaallit Nunaannit nuuttut | 2.763 | 2.736 | 2.514 | 2.609 | 1.953 |
Toqusut | 487 | 499 | 487 | 548 | 515 |
Iluarsiissutit | -18 | 112 | -19 | 87 | 63 |
Killiffik ultimo | 55.860 | 55.877 | 55.992 | 56.081 | 56.421 |
2016 | 2017 | 2018 | 2019 | 2020 | |
---|---|---|---|---|---|
Killiffik primo | 50.085 | 50.097 | 50.172 | 50.252 | 50.190 |
Erninerit | 830 | 853 | 819 | 849 | 834 |
Kalaallit Nunaannut nuuttut | 1.109 | 1.059 | 1.081 | 933 | 790 |
Kalaallit Nunaannit nuuttut | 1.468 | 1.374 | 1.348 | 1.364 | 957 |
Toqusut | 459 | 468 | 459 | 517 | 490 |
Iluarsiissutit | 0 | 5 | -13 | 37 | -2 |
Killiffik ultimo | 50.097 | 50.172 | 50.252 | 50.190 | 50.365 |
2016 | 2017 | 2018 | 2019 | 2020 | |
---|---|---|---|---|---|
Killiffik primo | 5.762 | 5.763 | 5.705 | 5.740 | 5.891 |
Erninerit | 0 | 0 | 0 | 0 | 0 |
Kalaallit Nunaannut nuuttut | 1.342 | 1.228 | 1.235 | 1.377 | 1.121 |
Kalaallit Nunaannit nuuttut | 1.295 | 1.362 | 1.166 | 1.245 | 996 |
Toqusut | 28 | 31 | 28 | 31 | 25 |
Iluarsiissutit | -18 | 107 | -6 | 50 | 65 |
Killiffik ultimo | 5.763 | 5.705 | 5.740 | 5.891 | 6.056 |